गुहागरचा कोविडयोद्धा राजेश शेटे हरपला

गुहागर तालुका महाराष्ट्र नवनिर्माण सेनेची स्थापना करणारे पहिले तालुकाध्यक्ष आणि कोरोना काळात स्वतःच्या जीवाची पर्वा न करता कोविड योद्धा म्हणून काम करणारे राजेश रमेश शेटे यांचे दीर्घ आजाराने शनिवारी रात्री वरचापाट येथील निवासस्थानी निधन झाले. सर्वसामान्यांसाठी धावून जाणारे व्यक्तीमत्व हरपल्याने शहरासह तालुक्यातून हळहळ व्यक्त केली जात आहे.मनसे पक्षाचे त्यांनी झोकून काम केले. सभासद नोंदणीवर भर देत राजेश यांनी तालुक्यात संघटना वाढीचे काम केले. नागरिकांच्या समस्यांवर व रत्नागिरी गॅस आणि विद्युत प्रकल्पातील कामगार भरतीबाबत आवाज उठविला. हॉटेल व्यवसाय आणि राजकारण असा समतोल त्यांनी ठेवला. कोरोना महामारीत परप्रांतीय कुटुंबांना अन्न धान्याची त्यांनी मदत दिली. चिपळूण येथील महापुरामुळे संकटात सापडलेल्या कुटुंबाना त्यांनी मदतीचा हात दिला. www.konkantoday.com