आता बँक खाते नसलेला व्यक्ती करू शकतो UPIचा वापर; NPCIने कुटुंबातील सदस्यांसाठी सुरू केलं UPI Circle, जाणून घ्या नव्या फीचरबद्दल…
आजकाल पैशांचे व्यवहार जास्त करून ऑनलाईन केले जातात. त्यामुळे पैशांची देवाणघेवाण करण्यासाठी अनेक अ‍ॅप उपलब्ध झाले आहेत. पण हे सर्व अ‍ॅप वापरण्यासाठी बँक खाते आवश्यक असणं गरजेचं आहे. तरच ऑनलाईन पैशांची देवाणघेवाण केली जाऊ शकते. पण, आता तुम्ही यूपीआय (Unified Payment Interface) वापर करत असाल तर तुमच्यासाठी एक नवीन फीचर सुरू केलं आहे.
नॅशनल पेमेंट कॉर्पोरेशन ऑफ इंडिया (NPCI)ने UPI Circle नावाचं नवं फीचर लाँच केलं आहे; जे तुमच्या कुटुंबातील इतर सदस्यांना किंवा मित्रांना त्यांच्या बँक खात्याला यूपीआय लिंक केल्याशिवाय तुमच्या बँक खात्यातून यूपीआय ट्रांजेक्शन ( UPI transactions ) करण्यासाठी अधिकृत परवानगी देत आहे. या फीचर अंतर्गत तुम्ही व्यवहार मर्यादा देखील सेट करू शकता. त्यामुळे तुमच्या बँक खात्याची सुरक्षा वाढते.
UPI Circle अशा व्यक्तींसाठी उपयोगी आहे, ज्यांच्याकडे स्वतःचे बँक खाते नाही किंवा फक्त एक बँक खाते वापरत आहेत. या माध्यमातून तुम्ही ज्येष्ठ नागरिक, मुलं, जोडीदार किंवा तुमच्या कुटुंबातील इतर सदस्यांना UPI द्वारे व्यवहार करण्याची सुविधा देऊ शकता. या अंतर्गत, एक प्राथमिक वापरकर्ता जास्तीत जास्त पाच सदस्यांना UPI व्यवहार करण्यासाठी अधिकृत करू शकतो.
UPI CircleBHIM अ‍ॅप उघडा आणि UPI Circle पर्याय निवडला. त्यानंतर कुटुंबातील सदस्याला जोडण्यासाठी Add Family or Friends वर क्लिक करा. मग जोडणाऱ्या सदस्याचा QR कोड स्कॅन करू शकता किंवा UPI आयडी टाकू शकता.UPI आयडी टाकल्यानंतर Add to My UPI Circle क्लिक करा. त्यानंतर जोडणाऱ्या व्यक्तींचा फोन नंबर नोंदवा. मग spend with limits (निर्धारित मर्यादेत व्यवहारांसाठी) किंवा approve every payment (प्रत्येक व्यवहारासाठी तुमची मंजूरी) यामधील एक पर्याय निवडा. ही मर्यादा सेट केल्यानंतर, दुसरा वापरकर्ता जोडण्यासाठी तुमच्या UPI पिनसह पुष्टी करा. अशाप्रकारे कुटुंबातील सदस्यांना UPI Circleमध्ये जोडू शकता.
