सुप्रसिद्ध अभिनेते राष्ट्रवादीचे स्टार प्रचारक सयाजी शिंदे शेखर निकम यांच्या प्रचारासाठी दाखल.

हळद-कुंकू लावलेलं तुझ लिंबू खरं असेल तर माझा नारळ खरा आहे, माझं भूत खरं असेल तर माझा देवही खरा आहे.. अरूंधती या तेलगू चित्रपटातील गाजलेल्या डायलॉगचे मराठीत भाषांतर करत सुप्रसिद्ध अभिनेते राष्ट्रवादीचे स्टार प्रचारक सयाजी शिंदे यांनी गुरूवारी येथील प्रचार बैठकीत, आपल्या सर्वांना माणसातल्या शेखर निकम या देवाला विजयी करण्याचे आवाहन केले.महायुतीचे उमेदवार शेखर निकम यांच्या शहरातील शिवाजी चौकातील प्रचार कार्यालयाचे उदघाटन अभिनेते सयाजी शिंदे यांच्या हस्ते झाले. यानंतर कापसाळ येथील माटे हॉलच्या सभागृहात आयोजित बैठकीत मार्गदर्शन करताना अभिनेते शिंदे बोलत होते.www.konkantoday.com