संगमेश्वर देगाव येथे डुक्कराच्या हल्ल्यात तरूण जखमी.
नेहमीप्रमाणे सकाळच्या सुमारास आपली जनावरे चरावरास घेवून गेलेला देगाव येथील तरूण अनिल चिनकटे याच्यावर अचानकपणे डुक्कराने केलेल्या हल्ल्यात अनिल चिनकटे हा तरूण जबर जखमी झाला आहे.याबाबत सविस्तर वृत्त असे की, अनिल पांडुरंग चिनकटे हा तरूण नेहमीप्रमाणे बुधवार दि. ५ नोव्हेंबर रोजी सकाळी ८ च्या सुमारास आपली जनावरे देगाव माळरानावर चरावयास घेवून गेला. जनावरे चरत असताना अचानकपणे मागून येवून हल्ल्यात सुनिल चिनकटे याच्या दोन्ही हातांना व डाव्या पायाच्या मांडीला सुळ्याच्या सहाय्याने डुक्कराने जबर जखमी केले. यात अनिल चिनकटे हा जमिनीवर कोसळला व आरडाओरडा करू लागला. सुदैवाने त्यांचा मोठा भाऊ सुनिल चिनकटे हा जवळच असल्याने त्याने घटनास्थळी धाव घेत या डुक्कराला पळून लावण्यात यश मिळवले व पुढील उपचारासाठी ग्रामस्थांच्या सहाय्याने फणसू आरोग्य केंद्रात आणले. तिथे प्रथमोपचार करून अनिल चिनकटे यांना पुढील उपचारासाठी दापोली उपजिल्हा रूग्णालयात दाखल करण्यात आले. www.konkantoday.com
