चिपळुणात ज्येष्ठ महिला रंगकर्मींचा नाट्य परिषदेकडून सन्मान

. अखिल भारतीय नाट्य परिषद शाखा चिपळूणच्यावतीने मंगळवारी रंगभूमी दिन साजरा करण्यात आला. या वेळी चिपळूणमधील ज्येष्ठ महिला रंगकर्मी रेखा कोळथरकर, रंजना वाडकर-पाथरे, शोभा कापडी-वाडकर यांचा सन्मान करण्यात आला. तसेच या तिनही महिला कलाकारांची मुलाखत घेवून त्यांचा रंगभूमीवरील प्रवास उलगडण्याचा प्रयत्न करण्यात आला.शहरातील इंदिरा गांधी सांस्कृतिक केंद्रामध्ये झालेल्या या रंगभूमी दिन कार्यक्रमाच्या सुरूवातीला मान्यवरांच्या हस्ते रंगमंच पूजन करण्यात आले. यानंतर ज्येष्ठ महिला कलावंत रेखा कोळथरकर यांचा सत्कार परिषदेच्या मुख्य सचिव डॉ. मीनल ओक यांनी केला. रंजना वाडकर-पाथरे यांचा सत्कार ऍड. विभावरी रजपूत यांनी केला, तर अपर्णा नातू यांनी रंगकर्मी शोभा कापडी-वाडकर यांचा सन्मान केला.www.konkantoday.com