रायगडमध्ये बोटीत चढवतांना पिकअप टेम्पो खाडीत पडला. घटना सीसीटीव्हीत कैद!
रायगड जिल्ह्यातील आगरदांडा ते दिघी दरम्यान रो रो सेवा चालवली जाते. पर्यटकांसह स्थानिक लोक श्रीवर्धनहून मुरुडकडे येण्यासाठी या रो रो सेवेचा वापर करत असतात. ज्यामुळे प्रवास वेळेची मोठी बचत होत असते.बुधवारी सकाळी आठच्या सुमारास एक पिक अप टेम्पो रो रो बोटीत चढवत असतांना चालकाचे नियंत्रण सुटल्याने, थेट खाडीच्या पाण्यात पडला. ज्यात चालक गंभीर जखमी झाला. त्याला बेशुध्द अवस्थेत रुग्णालयात उपचारासाठी दाखल करण्यात आले आहे. पाणी घेऊन हा टेम्पो बोर्ली पंचायतन येथे निघाला होता. मात्र चालक रिव्हर्स गेअर टाकून गाडी बोटीत चढवत असतांना ही दुर्घटना घडली. ही घटना बोटीवरील सीसीटीव्ही कॅमेऱ्यात कैद झाली.
