टेनिस क्रिकेटसाठी मैदान उपलब्ध करा, गुडमॉर्निंग क्रिकेट क्लबची मागणी.

रत्नागिरी येथील छत्रपती शिवाजी महाराज स्टेडियम येथे मागील अडीच वर्षापासून काम सुरू असल्याने त्या ठिकाणी मातीचे ढिग जमा झाले आहे. यामुळे टेनिस बॉल क्रिकेट खेळणार्‍यांची गैरसोय झाली आहे. मैदानाचे काम पूर्ण झाल्यानंतर या ठिकाणी सिझन बॉल क्रिकेट होणार असल्याने टेनिस बॉल किकिटसाठी दुसरे मैदान नाही. त्यामुळे टेनिस बॉल क्रिकेटसाठी मैदान उपलब्ध करून द्यावे अशी मागणी गुडमॉर्निंग क्रिकेट क्लब यांच्याकडून नगरपरिषदेचे मुख्याधिकारी यांच्याकडे करण्यात आली आहे.गुडमॉर्निंग क्रिकेट क्लब मागील ३० वर्षापासून स्टेडियमवर टेनिस क्रिकेट खेळत आहेत. रत्नागिरीतील सर्व स्तरातील खेळाडू व्यावसायिक शासकीय कर्मचारी या क्लबचे सदस्य आहेत. क्लबच्या ३० वर्षाचा खेळ आता बंद होण्याच्या मार्गावर आहे. शहरातील प्रमोद महाजन क्रीडासंकुल येथे क्रिकेट खेळल्याप्रकरणी स्थानिक नागरिकांकडून पोलिसांत तक्रार करण्यात आली होती. त्यामुळे खेळाडूंनी जायचे कुठे असा प्रश्‍न निर्माण झाला आहे. www.konkantoday.com