उत्तराखंड मध्ये बस दरीत कोसळून 35 हून अधिक जणांचा मृत्यू
uttarakhand accident Marathi उत्तराखंडमधील मर्चुला येथे 43 प्रवाशांनी भरलेली बस 200 मीटर खोल दरीत कोसळल्याने 35 हून अधिक जणांचा मृत्यू झाला. ही बस गढवालच्या पौरी येथून कुमाऊनच्या रामनगरकडे जात होती. अपघात रामनगरपासून सुमारे 35 किलोमीटर अंतरावर झाला.
राज्य आपत्ती प्रतिसाद दल (SDRF) आणि स्थानिक प्रशासन जीव वाचवण्यासाठी बचावकार्य करत आहेत. उत्तराखंडचे मुख्यमंत्री पुष्कर सिंह धामी यांनी दुःख व्यक्त केले असून, जखमींवर तातडीने वैद्यकीय उपचार देण्याचे निर्देश अधिकाऱ्यांना दिले आहेत.
