बैठकीच्या वादातून तिघांना जबर मारहाण..

रत्नागिरी शहरातील मांडवी सदानंदवाडी येथे बैठकीच्या वादातून तिघांना जबरी मारहाण करण्यात आली. ही घटना २३ ऑगस्ट रोजी रात्री ११ वाजण्याच्या सुमारास घडली. सुजित रतन भरणकर (३३, रा. मांडवी वरचीवाडी, रत्नागिरी), तुषार चौगुले (रा. मांडवी सदानंदवाडी) व वैभव सुर्वे अशी मारहाण करण्यात आलेल्या संशयितांची नावे आहेत. याप्रकरणी शहर पोलिसांनी ७ संशयितांविरुद्ध गुन्हा दाखल केला. प्रियांशु नागवेकर, शिवम पारकर, नितीन नागवेकर, प्रकाश माईण, गणेश मोरे, प्रथमेश पावंसकर, मयुरेश शिवलकर अशी गुन्हा दाखल करण्यात आलेल्या संशयितांची नावे आहेत. सुजित भरणकर यांनी मारहाण प्रकरणी संशयितांविरुद्ध शहर पोलिसांत तक्रार दाखल केली होती. त्यानुसार सुजित भरणकर हे २३ ऑगस्ट रोजी रात्री मांडवी सदानंदवाडी येथे बैठकीच्या ठिकाणी आले होते. यावेळी संशयित आरोपी यांनी सुजित भरणकर, वैभव सुर्वे व तुषार चौगुले यांना हाताच्या ठोशाने, लोखंडी फायटरने, पाईपने मारहाण केली. अशी तक्रार शहर पोलिसांत दाखल करण्यात आली होती. त्यानुसार पोलिसांनी संशयितांविरुद्ध गुन्हा दाखल केला.
www.konkantoday.com