कुवारबाव परिसर ज्येष्ठ नागरिक संघाचा 26 ऑक्टोबर रोजी मासिक स्नेह मेळावा

रत्नागिरी प्रतिनिधी : कुवारबाव परिसर ज्येष्ठ नागरिक संघाचा मासिक स्नेह मेळावा शनिवार दिनांक 26 ऑक्टोबर 2024 रोजी सायंकाळी चार वाजता ज्येष्ठ नागरिक भवनात संपन्न होणार आहे. यावेळी ऑक्टोबर महिन्यात वाढदिवस असलेल्या ज्येष्ठांचे सत्कार केले जाणार आहेत. त्याचप्रमाणे कुवारबाव ज्येष्ठ नागरिक संघाच्या डिसेंबर 2024 मध्ये संपन्न होणाऱ्या 28 व्या वर्धापन दिनाच्या कार्यक्रमाचे नियोजन करण्याच्या दृष्टीने महत्त्वपूर्ण चर्चा करण्यात येणार आहे. तरी ज्येष्ठ नागरिक सभासदांनी या मासिक स्नेह मेळाव्याला बहुसंख्येने उपस्थित राहून सहकार्य करावे, असे आवाहन संघाचे अध्यक्ष श्री. मारुती अंबरे यांनी केले आहे.