राजापूर तालुक्यातील आडिवरे महाकाली देवस्थानचे अध्यक्ष विश्‍वनाथ शेट्ये यांचे निधन.
राजापूर तालुक्यातील आडिवरे येथील प्रसिद्ध अशा श्री महाकाली देवस्थानचे अध्यक्ष व वृत्तपत्र विक्रेते विश्‍वनाथ यशवंत शेट्ये यांच अल्पशा आजाराने सोमवारी निधन झाले. त्यांच्या निधनाने आडिवरे परिसरावर शोककळा पसरली आहे.एक बहुआयामी व्यक्तीमत्व असलेल्या विश्‍वनाथ शेट्ये यांनी सामाजिक, राजकीय, शैक्षणिक अशा विविध क्षेत्रात योगदान देताना विविध पदांवर काम केले आहे. वाडापेठ ग्रामपंचायतीचे सरपंचपदही त्यांनी भूषवले होते. तर महाकाली देवस्थान ट्रस्टचे अध्यक्ष, आडिवरे हायस्कूलचे संचालक म्हणून ते काम पहात होते. तसेच श्री महाकाली मंदिरालगत त्यांचा हॉटेल तसेच वृत्तपत्र विक्रीचा व्यवसाय आहे. काही दिवसांपूर्वी त्यांची प्रकृती खालावल्याने कोल्हापूर येथील रूग्णालयात त्यांच्यावर उपचार सुरू होते. अशातच सोमवारी त्यांची प्राणज्योत मालवली. मंगळवारी आडिवरे येथे त्यांच्या पार्थिवावर अंत्यसंस्कार करण्यात आले. यावेळी सर्व स्तरावरील लोक उपस्थित होते. त्यांच्या पश्‍चात पत्नी, एक मुलगा, तीन मुली, नातवंड असा मोठा परिवार आहे. www.konkantoday.com
