चिपळूणच्या हायटेक बसस्थानकाचे बांधकाम पुन्हा रेंगाळले, ठेकेदाराकडून प्रतिसाद नाही.

हायटेकच्या धर्तीवर बांधण्यात येत असलेल्या मध्यवर्ती बसस्थानकाचे बांधकाम चार महिन्यापूर्वीच ठेकेदाराने बंद केले आहे. याशिवाय उर्वरित बांधकामासाठीचा ठेकेदाराकडून कोणताच प्रतिसाद नसल्याने या पार्श्‍वभूमीवर विभागीय कार्यालयातील स्थापत्य शाखातून बांधकाम करणार्‍या ठेकेदारावर कारवाई करावी, यासाठीचा प्रस्ताव काही दिवसांपूर्वी मुंबईतील कार्यकारी अभियंत्यांकडे पाठवण्यात आला आहे. बसस्थानक बांधकामाचा पुन्हा एकदा बट्ट्याबोळ उडाल्याने याविषयी प्रवाशांतून एसटी महामंडळाच्या कारभारावर ताशेरे ओढले जात आहेत.www.konkantoday.com