अल्पवयीन मुलीवर अत्याचार करणार्‍या तिघांना अटक
रत्नागिरी ः माझे तुझ्यावर प्रेम आहे असे सांगत अल्पवयीन मुलीवर तिघांनी वेगवेगळ्या दिवशी बलात्कार केल्याची खळबळजनक घटना गुहागरात घडली. या प्रकरणी पोलिसांनी तिघांवर गुन्हा दाखल करून अटक केली आहे.
या प्रकरणी पिडीत अल्पवयीन मुलीच्या भावाने येथील पोलिसात फिर्याद दाखल केली आहे. मार्च ते ३० मे या कालावधीत गुहागर तालुक्यातील मोडकाघर, खेड तालुक्यातील आवाशी देऊळवाडी, गुहागर बसस्थानकाच्या पाठीमागे अशा वेगवेगळ्या ठिकाणी वेगवेगळ्या दिवशी या तिघांनी मोबाईलवर या मुलीशी संपर्क साधून माझे तुझ्यावर प्रेम आहे, असे सांगत बलात्कार केला. या प्रकरणी गुहागर एस.टी. डेपोचा वॉचमन निलेश चव्हाण, खेड आवाशी देऊळवाडी येथील निखिल पिल्ले व गुहागर मोडकाघर येथील धीरज देवकर या तिघांवर गुन्हा दाखल करून त्यांना अटक करण्यात आली आहे.
