खेड खोपी मार्गावर एसटी बस चा अपघात, प्रवासी सुखरूप

. खेड १२- रत्नागिरी जिल्ह्यातील खेड मधील खेड खोपी मार्गावर खेड एसटी बसचा अपघात झाला. बसचा अचानक स्प्रिंग रॉड तुटल्यामुळे बस मागील बाजूने शेतात घसरली .एसटी बस मधील 30 ते 35 प्रवाशांचा जीव थोडक्यात बचावला .खेड खोपी मार्गावर वेरळ या ठिकाणी या बसचा अपघात झाला. मिळालेल्या माहितीनुसार हा अपघात दुपारी एक वाजण्याच्या सुमारास झाला. एम एच 40 एन 97 49 या क्रमांकाची एसटी बस खेड ते बिजगर अशी जात असताना वेरळ या ठिकाणी एसटी चा रॉड तुटल्यामुळे एसटी बस पाठीमागून काही फूट खोल अंतरावर असणाऱ्या शेतामध्ये घसरली सुदैवाने एसटी बस पलटी होताना वाचली. या एसटी बसमध्ये ३५ ते ४० प्रवासी प्रवास करत होते .ही घटना घडल्यानंतर खेड खोपी मार्गावर तब्बल चार तास वाहतूक कोंडी झाली होती .