गोदरेज कंपनीमध्ये गस्त घालण्यासाठी नेमण्यात आलेल्या कुत्र्याने त्याचा सांभाळ करणाऱ्याचाच जीव घेतला

_विक्रोळी येथील गोदरेज कंपनीमध्ये गस्त घालण्यासाठी नेमण्यात आलेल्या कुत्र्याने त्याचा सांभाळ करणाऱ्याचाच जीव घेतला आहे. हसरत अली बरकत अली शेख (२२) असं या मृत तरुणाचं नाव आहे. गोदरेजमध्ये मार्शल डॉग एजन्सी या कंपनी मार्फत ही श्वान सिक्युरिटी देण्यात येते.या कुत्र्यांना कंपनीच्या आवारात घेऊन फिरण्याचे काम इथे हसरत अली सारखे तरुण करत असतातहसरत अलीकडे ग्रेट डेन जातीच्या कुत्र्याला घेऊन फिरण्याची जबाबदारी होती. मात्र सोमवारी सकाळी या कुत्र्याने हसरत अली वर जोरदार हल्ला केला. सुमारे अडीच तास हा हल्ला सुरू होता. घटनेची माहिती मिळताच पोलीस , पालिका श्वान पथक आणि काही प्राणी मित्र घटनास्थळी दाखल झाले. कुत्र्याला हसरत अली पासून लांब करण्याचा प्रयत्न करू लागले.पण वारंवार कुत्र्याचा हल्ला सुरूच होता. अडीच ते तीन तासाने या कुत्र्याला हसरत अली पाऊण दूर करून , हसरत अली ला राजावाडी रुग्णालयात नेण्यात आले. मात्र अतिशय गंभीर जखमा असल्याने त्याचा मृत्यू झाला. या प्रकरणी मार्शल डॉग एजन्सी वर गुन्हा दाखल करण्यात आला असून पुढील तपास पोलीस करीत आहेत.