डॉक्टर मुळे यांचे अपेक्स हॉस्पिटल जिल्ह्यातील पहिलं खाजगी कोव्हीड रूग्णालय रत्नागिरीमध्ये सुरु

रत्नागिरी – रत्नागिरी शहरानजीक नाचणे रोड लगत येथे असलेल्या नवीन अद्यावत अपेक्स हॉस्पिटल आज पासून खाजगी कोव्हीड हॉस्पिटल म्हणून रत्नागिरीकरांच्या सेवेसाठी सज्ज झालं आहे. या हॉस्पिटलचा शुभारंभ
श्री.वसंत मुळ्ये यांच्या हस्ते करण्यात आला. यावेळी जिल्हा शल्य चिकित्सक डॉ. संघमित्रा फुले यांनी हॉस्पिटलची पाहणी करून डॉ.मुळ्ये कुटूंबियांना शुभेच्छा दिल्या. यावेळी हॉस्पिटलच्या संचालिका डॉक्टर मीरा मुळ्ये यांनी सामाजिक जबाबदारी ओळखून आम्ही हा निर्णय घेतला असून या हॉस्पिटल मध्ये 12 आयसीयू बेड आणि 22 जनरल बेडची व्यवस्था केली आहे. तसेच येथे अत्याधुनिक मशीनद्वारे निमोनियाचे अचूक निदान व एक मिनिटात सिटीस्कॅन होईल. त्याच प्रमाणे जिल्ह्यातील पहिली डीआर एक्स-रे सिस्टीम या हॉस्पिटलमध्ये आहे. आठ अद्यावत व्हेंटिलेटरची सोय आहे. तसेच येथे 24 तास, फिजिशियन, सर्जन, रेडिओलॉजिस्ट उपलब्ध राहणार आहे असे त्यांनी सांगितलं.
या ग्रुपचे हे तिसरे हॉस्पिटल असून पेशंटला सर्वोत्तम व गुणवत्तापूर्वक सेवा मिळण्याची खात्री आम्ही देत आहोत असे डॉ. सुशीलकुमार मुळ्ये यांनी सांगितलं आहे. यावेळी अरिहंत कन्स्ट्रक्शनचे महेश गुंदेजा.राजू भाटलेकर.डॉ. देशमुख आदी हितचिंतक, मित्र परिवार उपस्थित होता.
www.konkantoday.com