वाहनचालकांची आर्थिक फसवणूक करीत असल्यास तक्रार करा

रत्नागिरी, दि. 22 (जिमाका):- जर्मनी देशातील बाडेन-वुटेनबर्ग या राज्यास महाराष्ट्रातील कुशल वाहनचालक पुरविण्याबाबत 11 जुलै 2024 रोजीच्या शासन निर्णयानुसार कार्यपध्दती निश्चित करण्यास शासनमान्यता देण्यात आली आहे. या करारानुसार बाडेन-वुटेनबर्ग राज्यास कुशल वाहनचालक पुरविण्यासाठी परिवहन विभागामार्फत तालुकानिहाय मोटार वाहन निरीक्षक यांची नियुक्ती करण्यात आली आहे. तरी याबाबत वाहनचालकांची कोणी आर्थिक व इतर बाबतीत फसवणूक करत असेल तर वाहनचालकांनी उप प्रादेशिक परिवहन कार्यालय, रत्नागिरी येथे लेखी तक्रार करावी, असे सहा. प्रादेशिक परिवहन अधिकारी रत्नागिरी यांनी कळविले आहे.*