लोकनेते शामराव पेजे यांच्या कुटुंबियांनी आपुलकीने केला पालकमंत्री उदय सामंत यांचा सत्कार

*रत्नागिरी येथील शासकीय अभियांत्रिकी महाविद्यालयाचे नामकरण लोकनेते शामराव पेजे अभियांत्रिकी महाविद्यालय करून या वास्तूचे लोकार्पण महाराष्ट्र राज्याचे लोकप्रिय मुख्यमंत्री एकनाथजी शिंदे यांच्या हस्ते करण्यात आले. रत्नागिरीकरांची अनेक वर्षापासून असलेली मागणी आज पूर्ण झाल्याबद्दल लोकनेते शामराव पेजे यांच्या कुटुंबियांनी अत्यंत आपुलकीने राज्याचे उद्योगमंत्री आणि रत्नागिरी – रायगड जिल्ह्यांचे पालकमंत्री मा. ना. उदयजी सामंत ह्यांचा आदर सत्कार केला. यावेळी विकास पेजे, शिरीष पेजे, रामभाऊ गराटे, राजन होतेकर तसेच पेजे कुटुंबातील सदस्य उपस्थित होते. त्यावेळी मा. ना. उदयजी सामंत ह्यांनी पेजे कुटुंबियांच्या या आदरतिथ्या बद्दल मनापासून धन्यवाद दिले.