विकास कामांचे निमंत्रणे नाहीत, पक्षाच्या नेत्यांचे फोटो नाहीत रत्नागिरी राष्ट्रवादी तालुका आणि शहर राष्ट्रवादी काँग्रेस नाराज-महायुती म्हणुन राष्ट्रवादी ला नेहेमी दुजाभाव का?-तालुकाध्यक्ष अ‍ॅड बंटी वणजू
रत्नागिरीमधली सगळी विकासकामे फक्त शिंदे गट शिवसेनाच करते आहे का? महायुती म्हणुन राष्ट्रवादी ला नेहेमी दुजाभाव का? लोकार्पण सोहोळ्यासाठी पालकमंत्री दुजाभाव करत नसतील तर कुणाला महायुतीचे लोक आलेले आवडत नाहीत हे शिंदे गटाने स्पष्ट करावे अन्यथा रत्नागिरी शहर आणि तालुका राष्ट्रवादी या पुढे सगळ्याच कार्यक्रमावर बहिष्कार टाकत आहे असे प्रतिपादन राष्ट्रवादी काँग्रेस पक्षाचे रत्नागिरी तालुकाध्यक्ष अ‍ॅड बंटी वणजू यांनी केले आहेश्री वणजू पुढे म्हणाले कीं सात्तत्याने रत्नागिरी तालुक्यातील महायुतीच्या विकास कामामध्ये राष्ट्रवादी काँग्रेसला डावलुन काय दाखवायचे आहे हे असच मागील काही महिन्यांपासुन चालू आहेसिंधुरत्न योजनेच्या सदस्यपदी अजित यशवंतराव हे सुद्धा आहेत पण त्यांनाही डावलल जात लोकार्पण कार्यक्रमाच्या जाहिरातीमध्येही आमच्या नेत्यांचे फोटो नसतील तर महायुती काय चुलीत घालायची आहे का या बाबत लवकरच वरिष्ठ नेत्यांशी चर्चा करू आणि या पुढे सहकार्य करायचे का नाही ठरवू असे रोखठोक सवाल अ‍ॅड बंटी वणजू यांनी उपस्थित केला आहे.
