बहिणीला व्हिडिओ कॉल करून आत्महत्या करतो असे सांगितले, रत्नागिरीतील तरुणाची रेल्वे समोर आत्महत्या

रत्नागिरी शहरातील मुरुगवाडा येथील तरुणाने बहिणीला व्हिडिओ कॉल करून आपण आत्महत्या करत असल्याचे सांगितले या फोन मुळे नातेवाईकांनी त्याचा शोध सुरू केला परंतु त्याने रेल्वे समोर झोकून देऊन आत्महत्या केल्याचा प्रकार रत्नागिरीत घडलारत्नागिरी शहराजवळील टीआरपी येथे रेल्वे पुलावरून तरुणाने उडी मारून आत्महत्या केल्याची घटना १५ ऑगस्टला सायंकाळी साडेचार वाजण्याच्या सुमारास घडली. आत्महत्या करणारा तरुण शहरामधील मुरुगवाडा येथील आहे.आत्महत्या करणाऱ्या तरुणाचे नाव सुरेंद्र राजेंद्र किर (वय ३८ रा. मुरुगवाडा, रत्नागिरी) असे आहे.या घटनेची माहिती मिळताच तातडीने ग्रामीण पोलीस ठाण्याचे पोलीस उपनिरिक्षक निखारर्गे, शिवगण, हवालदार मंदार मोहिते, हवालदार रुपेश भिसे, हवालदार रोशन सुर्वे, अजय कांबळे आदी पोलीस घटनास्थळी दाखल झाले होते. मृतुदेह छिन्नविछिन्न अवस्थेत असल्याने पोलीसांकडून मृतदेहाचे तुकडे गोळा करावे लागले.सुरेंद्रला दारुचे व्यसन होते. सुरेंद्र हा दुपारच्या सुमारास आत्महत्या करण्याच्या हेतूने शहरातील कुवारबाव येथील टीआरपी जवळ असणाऱ्या रेल्वे पुलावर आला. तिथून त्याने बहिणीला व्हिडिओ कॉल करून लावून मी आत्महत्या करणार असल्याची कल्पना दिली होती. त्यामुळे नातेवाईक आणि त्याचा शोध सुरू केला होता या तरुणाने पुलावर येऊन त्याने थेट जाणाऱ्या रेल्वे गाडीवर उडी घेत आत्महत्या केली. मृतदेहाचे अक्षरशः तुकडे झाले.