तु कपडे घातलेस तरी तसाच दिसतो आणि कपडे काढलेस तरी तसाच दिसतो. तुझ्यात आहे काय बघण्यासारख?’ नारायण राणे यांचा जरांगे पाटलांवर हल्लाबोल

ओबीसीमधूनच आरक्षण पाहिजे या मागणीवर अजूनही मनोज जरांगे पाटील ठाम आहेत.त्यांच्या संवाद यात्रेच्या दुसऱ्या टप्प्याला सुरुवात झाली असून, ते पश्चिम महाराष्ट्राच्या दौऱ्यावर आहेत. दरम्यान गेल्या काही दिवसांपासून मनोज जरांगे पाटील आणि भाजप नेते नारायण राणे यांच्यामध्ये आरोप-प्रत्यारोप सुरू आहेत. आज पुन्हा एकदा नारायण राणे यांनी मनोज जरांगे पाटील यांच्यावर हल्लाबोल केला आहे.जरांगे म्हणाले राणे मराठवाड्यात येत असतील तर येऊ दे, आमच्याकडे काय पाहणार? आम्ही कपडे घालतो. तु कपडे घातलेस तरी तसाच दिसतो आणि कपडे काढलेस तरी तसाच दिसतो. तुझ्यात आहे काय बघण्यासारख?’ असा हल्लाबोल नारायण राणे यांनी जरांगे पाटील यांच्यावर केला आहे.दरम्यान पुढे बोलताना ते म्हणाले की, इतक्या वर्षात बरेच जणांनी दाढी वाढवली पण ते छत्रपती झाले का, नाही होत छत्रपती. जात पात धर्म बाजूला ठेवा आणि विकासाच्या मुद्यावर एकत्र या अस आवाहनही यावेळी नारायण राणे यांनी केलं आहे. दरम्यान आता नारायण राणे यांच्या टीकेला मनोज जरांगे पाटील काय प्रत्युत्तर देणार हे पाहाणं महत्त्वाचं ठरणार आहे.