आज गुरुवारपासून जिल्ह्यात महसूल पंधरवडा

रत्नागिरी, : आज गुरुवार दि. 1 ऑगस्ट या महसूल दिनापासून 15 ऑगस्टपर्यंत जिल्ह्यात महसूल पंधरवडा साजरा करण्यात येत आहे. उद्या जिल्हा नियोजन सभागृहात महसूल दिन व पंधरवड्याचा शुभारंभ आयोजित करण्यात आला आहे, अशी माहिती प्र. निवासी उपजिल्हाधिकारी मारुती बोरकर यांनी दिली. 1 ऑगस्ट रोजी ‘महसूल दिन साजरा करणे व महसूल पंधरवडा शुभारंभ” ‘मुख्यमंत्री माझी लाडकी बहीण योजना”, 2 ऑगस्ट रोजी “मुख्यमंत्री युवा कार्य प्रशिक्षण योजना”, 3 ऑगस्ट रोजी ” मुख्यमंत्री तीर्थ दर्शन योजना”, 4 ऑगस्ट रोजी “स्वच्छ व सुंदर माझे कार्यालय”, 5 ऑगस्ट रोजी “कृषी मार्गदर्शन कार्यक्रम”, 6 ऑगस्ट रोजी “शेती पाऊस आणि दाखले” आणि 7 ऑगस्ट रोजी युवा संवाद, 8 ऑगस्ट महसूल जनसंवाद, 9 ऑगस्ट महसूल ई प्रणाली, 10 ऑगस्ट सैनिक हो तुमच्यासाठी, 11 ऑगस्ट आपत्ती व्यवस्थापन मार्गदर्शन, 12 ऑगस्ट एक हात मदतीचा दिव्यांगांच्या कल्याणाचा, 13 ऑगस्ट महसूल अधिकारी, कर्मचारी यांच्यासाठी संवाद व प्रशिक्षण, 14 ऑगस्ट महसूल पंधरवडा वार्तालाप, 15 ऑगस्ट महसूल संवर्गातील कार्यरत/सेवानिवृत्त अधिकारी/कर्मचारी संवाद उत्कृष्ट अधिकारी/कर्मचारी पुरस्कार वितरण” व महसूल सप्ताह सांगता समारंभ” यावर्षी महसूल दिनापासून म्हणजेच उद्या दि. 1 ऑगस्टपासून 15 ऑगस्ट या कालावधीत राज्यभरात ‘महसूल पंधरवडा’ साजरा करण्यात येणार आहे. महसूल पंधरवडानिमित्त राबविण्यात येणाऱ्या विविध योजनांचा जास्तीत जास्त नागरिकांनी लाभ घ्यावा, असे आवाहन जिल्हा प्रशासनाकडून करण्यात आले आहे.