रेल्वेस्टेशन पार्किंगमधून मोटरसायकल चोरीला

रत्नागिरी रेल्वेस्टेशन परिसरातून मोटरसायकल चोरीला गेल्याचा प्रकार समोर आला आहे. ही घटना २५ जुलै २०२४ रोजी रात्रीच्या सुमारास घडली. या प्रकरणी श्रीकृष्ण पांडुरंग होतेकर (३८, रा. नाचणे रोड, रत्नागिरी) यांनी मोटारसायकल चोरीप्रकरणी रत्नागिरी शहर पोलिसांत तक्रार दाखल केली. पोलिसांनी या प्रकरणी अज्ञाताविरूद्ध गुन्हा दाखल केला. पोलिसांनी दिलेल्या माहितीनुसार, श्रीकृष्ण यांनी आपली मोटारसायकल (एमएच ०८ एएफ २२९६) २५ जुलै रोजी रेल्वेस्टेशन पार्किंगमध्ये उभी करून ठेवली होती. रात्रीच्या सुमारास ही मोटारसायकल अज्ञाताने चोरून नेली, अशी तक्रार श्रीकृष्ण यांनी शहर पोलिसांत दाखल केली. या प्रकरणी पोलिसांनी अज्ञाताविरूद्ध भारतीय न्याय संहिता अधिनियम २०२३ चे कलम ३०३ (२) नुसार गुन्हा दाखल केला. पुढील तपास पोलिसांकडून करण्यात येत आहे. www.konkantoday.com