दापोली तालुक्यात महिलेचा संशयास्पद मृत्यू ,महिलेचा विवस्त्र अवस्थेतील मृतदेह तिच्या राहत्या घरातच आढळला

दापोली तालुक्यातील वणंद येथे एका महिलेचा संशयास्पद मृत्यू झाल्याचे समोर आले आहे. भाग्यश्री लोवरे या महिलेचा विवस्त्र अवस्थेतील मृतदेह तिच्या राहत्या घरातच आढळल्याने नातेवाईकांनी तिच्या मृत्यूबद्दल संशय व्यक्त केला आहे. यामुळे दापोली तालुक्यात खळबळ उडाली आहे. दापोली तालुक्यातील वणंद येथील लोवरेवाडीतील रहिवासी भाग्यश्री दशरथ लोवरे (50) या आपल्या पतीच्या निधनानंतर घरी एकट्याच रहात असत. त्यांना एक मुलगा व एक मुलगी असून ते कामानिमित्त मुंबई येथे स्थायिक आहेत. मात्र भाग्यश्री लोवरे या गावीच आपल्या घरी रहात असत. चरितार्थासाठी त्या हर्णेलगत समुद्रकिनारी एका हॉटेलमध्ये कामाला होत्या. मंगळवारी त्यांचा मृतदेह त्याच्या घरी सापडला. या बाबत त्यांचा मुलगा दर्शन दशरथ लोवरे याने दापोली पोलीस स्थानकात तक्रार दिली.ज्या दिवशी भाग्यश्री लोवरे यांचा मृतदेह घरी सापडून आला, त्यावेळी बाहेरचा दरवाजा व हॉलचा दरवाजा उघडा होता. त्याला आतून वा बाहेरून कडी लावण्यात आलेली नव्हती. आपली आई घरात एकटीच रहात असल्याने कधीही कडी न लावता झोपत नसे, असेही त्यांच्या नातेवाईकांनी स्पष्ट केले. यामुळे घातपात झाल्याचा संशय नातेवाईकांनी व्यक्त केला आहे. www.konkantoday.com