कापशी नदीच्या पाण्यात गवतावरुन पाय घसरुन पडलेल्या युवतीचा बुडून मृत्यू

चिपळूण कापशी नदीत बुडून एका 15 वर्षीय युवतीचा मृत्यू झाल्याची घटना तालुक्यातील डेरवण खुर्द येथे 6 रोजी सायंकाळी 7.30 वाजण्याच्या सुमारास घडली. याबाबत सावर्डे पोलिस स्थानकात आकस्मिक मृत्यूची नोंद करण्यात आली आहे. श्रावणी सुधीर मोहिते (15, डेरवण) असे मृत्यू झालेल्या तरुणीचे नाव आहे.पोलिसांनी दिलेल्या माहितीनुसार डेरवण- बौध्दवाडी येथील कापशी नदीच्या पाण्यात गवतावरुन पाय घसरुन श्रावणी नदीत पडली. पाण्याच्या प्रवाहाबरोबर ती वाहत गेली. या घटनेनंतर तिची शोधाशोध करण्यात आली असता अखेर या नदीपात्रात तीचा मृतदेह आढळून आला.