रत्नागिरी रेल्वे स्टेशन फाटा येथे एसटी-दुचाकी धडकेत तरूण जखमी

रत्नागिरी रेल्वे स्टेशन फाटा येथे एसटी बस व दुचाकीमध्ये झालेल्या धडकेत दुचाकीवरील तरूण जखमी झाला. ही घटना गुरूवारी सायंकाळी ४.३० वाजण्याच्या सुमारास घडली. अपघातात जखमी झालेल्या सचिन मधुकर वाडकर (३९, रा. गयाळवाडी, रत्नागिरी) या तरूणाला उपचारासाठी जिल्हा शासकीय रूग्णालय येथे दाखल करण्यात आले आहे. तसेच या घटनेची नोंद रत्नागिरी शहर पोलिसांत करण्यात आली.पोलिसांनी दिलेल्या माहितीनुसार ४ जुलै रोजी एसटी बस (एमउच १४ बीटी २५३५) ही देवरूख ते रत्नागिरी अशी येत होती. तर सचिन हा आपल्या ताब्यातील दुचाकी (एमएच ०८ एपी १३०८) घेवून रत्नागिरी रेल्वेस्टेशन फाटा येथून जात होता. सायंकाळी ४.३० वाजण्याच्या सुमारास रेल्वे स्टेशन फाटा येथील कॉंक्रीटच्या रस्त्यावर दुचाकीची एसटी बसला जोराची धडक बसली. www.konkantoday.com