मुख्यमंत्री युवा कार्य प्रशिक्षणार्थी भरती मेळावा २६ रोजी संगमेश्वरात रत्नागिरी, दि. २४ (जिमाका) : बेरोजगार उमेदवारांना विविध क्षेत्रात रोजगाराच्या संधी उपलब्ध करुन देण्याच्या दृष्टीने मुख्यमंत्री युवा कार्य प्रशिक्षणार्थी भरती मेळाव्याचे आयोजन २६ सप्टेंबर २०२४ रोजी सकाळी १० वाजता औद्योगिक प्रशिक्षण संस्था, संगमेश्वर येथे करण्यात आले आहे. तरी जास्तीत जास्त उमेदवारांनी रोजगार मेळाव्यात सहभागी होऊन रोजगार संधीचा लाभ घ्यावा, असे औद्योगिक प्रशिक्षण संस्थेचे प्राचार्य रविंद्र विठोबा कोकरे यांनी केले आहे.

या मेळाव्यामध्ये जिल्ह्यातील शासकीय तसेच खासगी आस्थापनांसह सहकारी संस्थाकडील विविध आस्थापना मुख्यमंत्री युवा कार्य प्रशिक्षणार्थीची निवड करणार आहेत. जिल्ह्यातील शासकीय तसेच खासगी आस्थापनांसह सहकारी संस्था यांना मेळाव्याकरीता रोजगार देणारे (Employer) म्हणून निमंत्रीत करण्यात येत आहे. उमेदवारांनी मेळाव्याच्या दिवशी मुलाखतीकरिता त्यांचे ५ बायोडाटा व इतर आवश्यक शैक्षणिक कागदपत्रांच्या प्रतींसह प्रत्यक्ष उपस्थित राहावे. रोजगार मेळाव्यामध्ये सहभागी होण्यासाठी आपली नोंदणी रत्नागिरी जिल्हा कौशल्य रोजगार व नाविन्यता उद्योजकता मार्गदर्शन केंद्र येथे करावी. नाव नोंदणी करणे कोणाला शक्य न झाल्यास त्यांनी सुध्दा मेळाव्यास उपस्थित राहावे.000