अनेक वर्षे सुरू असलेली राजापूर पोस्ट कार्यालयातील रेल्वे आरक्षण सुविधा दोन आठवडे ठप्प

मागील अनेक वर्षाच्या प्रतीक्षेनंतर राजापूर पोस्ट कार्यालयात सुरू झालेली रेल्वे आरक्षण सुविधा बीएसएनएलच्या तांत्रिक बिघाडामुळे गेल्या २ आठवड्यापासून बंद आहे. त्यामुळे प्रवाशांना गैरसोयीचा सामना करावा लागत असून बीएसएनएलच्या कारभाराविरोधात तीव्र संताप व्यक्त होत आहे.शहरापासून १५ ते १७ किलोमीटरवर रेल्वेस्थानक असल्याने शहरात रेल्वे आरक्षण सुविधा उपलब्ध करून द्यावी, अशी मागणी अनेक वर्षापासून होत होती. राजापूर वगळता जिल्ह्यातील अन्य पोस्ट कार्यालयात रेल्वे आरक्षण सेवा सुरू करण्यात आली होती. राजापूर पोस्ट कार्यालयातही ती सुविधा उपलब्ध व्हावी म्हणून सातत्याने प्रयत्न होत होते. संबंधित मंत्र्यांसह कोकण रेल्वेच्या अधिकार्‍यांकडे सातत्याने पाठपुरावा सुरू होता. मात्र काही वर्षे त्याला यश आले नव्हते, असे असताना काही महिन्यांपूर्वी कोकण रेल्वे प्रशासनाने राजापूर पोस्ट कार्यालयात रेल्वे आरक्षण सेवा सुरू केली होती.www.konkantoday.com