तो बोटाचा तुकडा पुण्यातील आईस्क्रीम कारखान्यातील कामगाराचा

मालाड येथील २६ वर्षीय डॉक्टरने ऑनलाईन मागवलेल्या बटरस्कॉच आईस्क्रीमच्या कोनमध्ये मानवी बोटाचा तुकडा सापडल्याची धक्कादायक घटना घडली होती. तो बोटाचा तुकडा पुण्यातील आईस्क्रीम कारखान्यातील कामगाराचा असल्याचे निष्पन्न झाले आहे.११ मे रोजी अपघातात त्याचे बोट कापले होते.ओमकार पोटे (२४) असे कामगाराचे नाव असून तो मूळचा साताऱ्याचा आहे. तो पुण्यातील इंदापूर येथील आईस्क्रीम कारखान्यात कार्यरत आहे. तो ११ मे रोजी या अपघातानंतर रुग्णालयात भरती झाला होता. आईस्क्रीममध्ये सापडलेला बोटाचा तुकडा पोलिसांनी तपासणीसाठी न्यायावैधक प्रयोगशाळेत पाठवला आहे. डीएनए चाचणीत तो बोटोचा तुकडा पोटे यांचा असल्याचे निष्पन्न झाल्यानंतर पोलीस याप्रकरणी सुपरवायझरविरोधात कारवाई करण्याची शक्यता आहे.www.konkantoday.com