जो ओरिजनल असतो त्याला जाहिरातबाजी करावी लागत नाही-भास्कर जाधव

शिवसेनेचा 58 वा वर्धापन दिन साजरा होतो आहे. मात्र, शिवसेनेत फूट पडल्याने ठाकरेंची सेना आणि शिंदेंची सेना वेगवेगळा वर्धापन दिन साजर करतायेत. मात्र, शिंदे गटाकडून उद्धव ठाकरेंची शिवसेना नकली असल्याचा प्रचार तसेच पोस्टरबाजी केली जात आहे.या पोस्टरबाजीला ठाकरे गटाचे नेते भास्कर जाधव यांनी प्रत्युत्तर दिले आहे.भास्कर जाधव म्हणाले, ‘मार्केटमध्ये गेल्यावर जो माल नकली असतो त्याची जास्त प्रसिद्धी करावी लागते.ओरडून ओरडून सांगावं लागतं.जो ओरिजनल असतो त्याला जाहिरातबाजी कारावी लागत नाही’.उद्धव ठाकरे महाविकास आघाडी, काँग्रेससोबत असल्याने वर्धापन दिनाच्या दिवशीच नीतेश राणे यांनी उद्धव ठाकरेंचे भगवे रक्त नाही, अशी टीका केली होती. या टीकेला देखील जाधव यांनी प्रत्युत्तर दिले आहे. ‘नितीश कुमार यांचं रक्त कसलं आहे? चिराग पासवानचं रक्त कसलं आहे? कोणीही असो रक्ताचा रंग एकच असतो, हे या निर्बुद्धांना माहीत नसेल आणि आमचं रक्त भगवं आहे आणि बाकीच्यांचं रक्त पवार साहेबांचं आहे. याचं आहे त्याचं आहे हे बोलणारे किती निर्बुद्ध आहेत, हे यातून स्पष्ट होतं ‘ असे भास्कर जाधव म्हणाले.www.konkantoday.com