महिला आरक्षण विधेयकावर राष्ट्रपतींची स्वाक्षरी, 33 टक्के आरक्षण मिळण्याचा मार्ग मोकळा

संसदेच्या विशेष अधिवेशनात लोकसभा आणि राज्यसभेत मंजूर करण्यात आलेल्या ऐतिहासिक महिला आरक्षण विधेयकाचे आता कायद्यात रूपांतर झाले आहे. शुक्रवारी राष्ट्रपती द्रौपदी मुर्मू यांनी या विधेयकावर स्वाक्षरी केली आहे.
या मंजुरीनंतर केंद्र सरकारने एक गॅझेट अधिसूचना जारी केली आहे. या विधेयकाचे कायद्यात रूपांतर झाल्याने महिलांना आता विधानसभा आणि लोकसभा निवडणुकीत 33 टक्के आरक्षण मिळणार आहे. मोदी सरकारने महिला आरक्षण विधेयक मंजूर करण्यासाठी नुकतेच संसदेचे विशेष अधिवेशन बोलावले होते. या विधेयकाला ‘नारीशक्ती वंदन बिल’ नाव दिले.
www.konkantoday.com