डॉ. केकी घरडा यांना जीवनगौरव पुरस्कार

चिपळूण, : फेडरेशन ऑफ रत्नागिरी डिस्ट्रिक्ट चेंबर ऑफ कॉमर्स अँड इंडस्ट्रीजच्यावतीने डॉ.केकी घरडा यांना जीवनगौरव पुरस्कार आमदार आशिष शेलार यांच्या हस्ते मुंबईत प्रदान करण्यात आला.या वेळी फेडरेशनचे अध्यक्ष डॉ. प्रशांत पटवर्धन, उद्योजक राजू जोशी, नीलेश कुलकर्णी, घरडाचे व्यवस्थापक दिवाकर शेनॉय उपस्थित होते.फेडरेशन ऑफ रत्नागिरी डिस्ट्रिक्ट चेंबर ऑफ कॉमर्स अँड इंडस्ट्रीजच्यावतीने उद्योगक्षेत्रात भरीव कामगिरी करणाऱ्या आणि जिल्ह्याच्या विकासात महत्वपूर्ण योगदान देणाऱ्या उद्योजकाला जीवनगौरव पुरस्कार देण्यात येतो. पद्मश्री डॉ. के. की. घरडा यांच्या संशोधन, उत्पादन, निर्यातक्षेत्रात केलेल्या योगदानाबद्दल तसेच रत्नागिरी जिल्ह्यात उद्योगाच्या माध्यमातून महत्वपूर्ण योगदान दिल्याबद्दल हा पुरस्कार जाहीर करण्यात आला होता. आमदार शेलार यांनी डॉ. घरडा यांना हा पुरस्कार प्रदान केला.