दापोली तालुक्यात पावनळ करंजाळी रस्त्यावरती आढळलेल्या मृतदेह हा खूनाचा प्रकार , मित्रानेच केला घात

दापोली तालुक्यात पावनळ करंजाळी रस्त्यावरती आढळलेल्या मृतदेह हा खूनाचा प्रकार असल्याचा धक्कादायक प्रकार पोलीस तपासात पुढे आला आहे. याप्रकरणी जयकिसन ओमप्रकाश सिंग याला पोलिसांनी अटक केली आहे. सुशांत किशोर परब असे खून झालेल्या तरुणाचे नाव असून त्याचा किरकोळ वादातून खून झाल्याची धक्कादायक घटना उघड झाली आहे. सुशांतचा मुंबई येथील मित्र संशयित जयकिसन ओमप्रकाश सिंह याला काही तासांत दापोली पोलिसांनी खेड येथून एका लॉजमधून ताब्यात घेतले आहे. मात्र, हा खून नेमका कोणत्या कारणामुळे झाला हे समजू शकलेले नाही.
२ जानेवारी रोजी सोमवारी सकाळी साडे अकराच्या सुमारास पावडर करंजाळी रस्त्यावर एक अज्ञात इसमाचा मृतदेह आढळला होता. त्याची खबर दापोली पोलिसांना देण्यात आली. त्यानंतर या मृतदेहाची ओळख पटली. करंजाळी येथे आपल्या आजीकडे राहणाऱ्या सुशांत किशोर परब याचाच हा मृतदेह असल्याचे स्पष्ट झाले.
सुशांत किशोर परब हा अंधेरी मुंबई येथे राहणार आहे मात्र गेले काहीवर्षे आपल्या आजीकडे दापोली तालुक्यात करंजाणी येथे राहत होता. त्याचा मित्र जयकिसन ओम प्रकाश सिंग हा गावी सुशांतला भेटण्यासाठी आला होता. यावेळी दोघेही एक जानेवारी रोजी रात्रीच्या सुमारास जेवण करून दोघेही बाहेर पडले मात्र यावेळी रात्री उशिरा जयकिसन हा एकटाच घरी आला यावेळी आजीने सुशांत कुणीकडे आहे अशी चौकशीही केली. जयकीसन सिंग पहाटेच्या सुमारास घरातून बाहेर पडून निघून गेला. खेड येथे तो असल्याचे मोबाईल लोकेशन वरून पोलिसांनी शोधून काढले.खेड येथील एका लॉजवरून जयकीसन ओमप्रकाश सिंग दापोली पोलिसांनी त्याला अटक केली आहे.
याप्रकरणी परवा सोमवारी दापोली पोलीस ठाण्यात आकस्मिक मृत्यूची नोंद करण्यात आली होती. पोलिसांनी तपासास सुरुवात केल्यावर सुशांत हा त्याच्या आजीकडे करंजाळी डिंगणकरवाडी येथे रहात होता. त्याचा अंधेरी (मुंबई) येथील मित्र जयकिसन ओमप्रकाश सिंग हा त्याला भेटायला रविवारी १ जानेवारी रोजी रात्री करंजाळी येथे आला होता. रात्रीचे जेवण करून दोघे बाहेर पडले, त्यानंतर जयकिसन याने सुशांतचा काटा काढला.
जयकिससने सुशांतच्या अंगावरील सर्व कपडे काढले व ते मृतदेहापासून सुमारे २० ते २५ फुटावर असलेल्या झाडावर अडकवून ठेवले. त्यानंतर जयकिसन सकाळी सुशांतच्या घरी आला व आजीला सांगून बाहेर पडला. सुशांतचा मृतदेह सापडल्यावर पोलिसांनी तपास सुरू केला. सुशांत व जयकिसन हे दोघे रात्री बाहेर पडल्याची माहिती पोलिसांना मिळाली. पोलिसांना मोबाईल कॉलच्या लोकेशवरून जयकिसन हा खेड येथे असल्याचे समजले.
पोलिसांनी खेड येथील एका लॉजमधून त्याला ताब्यात घेतले. जयकिसन याला अमली पदार्थाचे व्यसन असल्याचेही तपासात निष्पन्न झाले. सुशांत याचे वडील मुंबईत रहात असून आज सकाळी ते दापोलीत आल्यावर त्यांनी सुशांतचा खून झाला असल्याची तक्रार दापोली पोलीस ठाण्यात दाखल केली असून जयकिसनविरोधात खुनाचा गुन्हा दाखल करण्यात आला आहे. त्याला आज न्यायालयात हजर करण्यात येणार आहे. अधिक तपास पोलीस निरीक्षक विवेक आहिरे करत आहेत. याप्रकरणी खेड उपविभागीय पोलीस अधिकारी शशिकिरण काशीद यांनी दापोली पोलीस स्थानकात भेट देऊन पुढील तपासाचे मार्गदर्शन केले.
www.konkantoday.com