व्यावसायिक LPG गॅस सिलिंडर तब्बल ७२ रुपयांनी स्वस्त केला आहे.

आज जून महिन्याच्या पहिल्याच दिवशी LPG गॅस सिलेंडरच्या किमती कमी झाल्या आहेत. तेल विपणन कंपन्यांनी 19 किलोच्या व्यावसायिक गॅस सिलिंडर तब्बल ७२ रुपयांनी स्वस्त केला आहे. त्यामुळेच हॉटेलचे जेवण आता स्वस्त होण्याची शक्यता आहे. सलग तिसऱ्या महिन्यात व्यावसायिक सिलेंडरच्या किमती कमी करण्यात आल्या आहेत. तर दुसरीकडे घरगुती गॅस सिलेंडरच्या दरात कोणताही बदल करण्यात आलेला नाही. कंपन्यांनी 14.2 किलोच्या घरगुती सिलिंडरच्या किमती कायम ठेवल्या आहेत. 1 मे रोजी तेल विपणन कंपन्यांनी 19 किलोच्या व्यावसायिक सिलेंडरची किंमत 19 रुपयांनी कमी केली होती. त्यानंतर आता जून महिन्यात सुद्धा जवळपास ७० रुपयांनी स्वस्त झाल्याने जनतेला सध्याच्या महागाईच्या काळात थोडाफार तरी दिलासा मिळाला असं म्हणता येईल.