फ्रेंड्स ऑफ बीजेपी’ कार्यकारणीत कोकण संघटकपदी धनंजय पाथरे यांची नियुक्ती

भारतीय जनता पार्टी महाराष्ट्र प्रदेश ‘फ्रेंड्स ऑफ बीजेपी’ कार्यकारणीची नुकतीच निवड करण्यात आली. या कार्यकारिणीची घोषणा भाजपा प्रदेशाध्यक्ष चंद्रशेखर बावनकुळे यांनी केली.त्यामध्ये संयोजक सतीश निकम, सहसंयोजक उषा बाजपेयी, राजेश सिंग, सुजय पत्की, आशिष पावसकर, सुकन्या अय्यर, संभाजी पाटील,भाविनी पाटील यांची निवड झाली आहे. तसेच आठ विभाग संयोजक आणि 48 लोकसभा संयोजक यांच्या नियुक्तीची घोषणा करण्यात आली.
यामध्ये विभागनिहाय आणि लोकसभा मतदारसंघनिहाय संयोजकांची नियुक्ती करण्यात आली आहे. त्यामध्ये कोकण विभागासाठी संगमेश्वर येथील धनंजय पाथरे यांची निवड करण्यात आली आहे. धनंजय पाथरे हे दक्षिण रत्नागिरी जिल्हा कार्यकारणीमध्ये जे सोशल मीडिया प्रमुख म्हणून यापूर्वी कार्यरत होते. त्यानंतर आता त्यांच्या कार्याची दखल घेऊन भाजपाच्या ‘फ्रेंड्स ऑफ बीजेपी’ कार्यकारणीमध्ये कोकण विभाग प्रमुख म्हणून निवड केली आहे. याबद्दल त्यांचे सर्वत्र अभिनंदन होत आहे.

www.konkantoday.com