करबुडे-उक्षी मार्गावर ट्रॅव्हल्सला अपघात होऊन एक गंभीर तर किरकोळ जखमी

करबुडे-उक्षी मार्गावर ट्रॅव्हल्सला अपघात होऊन एक गंभीर तर किरकोळ जखमी झाल्याची घटना रविवारी (दि.19) सायंकाळी 6.30 वाजण्याच्या सुमारास घडली. जखमींना वांद्री येथील प्राथमिक आरोग्य केंद्रात उपचारासाठी दाखल करण्यात आले आहे.मुंबईहून गणपतीपुळे येथे पर्यटक दर्शनासाठी आले होते. रविवारी दिवसभर दर्शन आणि समुद्र सफरीचा आनंद घेतल्यानंतर ट्रॅव्हल्सने मुंबईकडे निघाले. उक्षी घाटात ट्रॅव्हल्सचे ब्रेक निकामी झाल्याचे चालकाच्या लक्षात आले. मात्र, चालकाने प्रसंगावधान राखत गाडीतील प्रवाशांना याची कल्पना दिली. यामुळे सारे प्रवाशी घाबरले होते.गाडीत 35 प्रवाशी होते. ब्रेक निकामी झाल्याचे कळताच अनेकांनी गाडी बाहेर उड्या घेतल्या. याचवेळी चालकाने प्रसंगावधान राखत डोंगरात गाडी घातल्याने मोठा अनर्थ टळला. अन्यथा डाव्या बाजूला 100 ते 150 फूट खोल दरीत कोसळून मोठी दुर्घटना घडली असती. या अपघातात शुभम कुंभारकर ( वय २१, रा. पनवेल) हा गंभीर जखमी झाला आहे, तर 2 जण किरकोळ जखमी झाल्याचे समजत आहेwww.konkantoday.com