चिपळुणात पेढांबे-भराडेवाडी येथे कार-दुचाकी अपघात

चिपळूण तालुक्यातीलल पेढांबे-भराडेवाडी येथे कार व दुचाकी यांच्यात अपघात झााल्याची घटना सोमवारी दुपारी ३.३० वाजण्यााच्या सुमारास घडली. यात कोळकेवाडी येथील दुचाकीस्वारासह त्याचबराबेर असलेला एकजण जखमी झाला असून यातील एकाला उपचारासाठी कराड येथे नेण्यात आले आहे. या अपघाताची अलोरे-शिरगाव पोलीस स्थानकात रात्री उशीरापर्यंत नोंद झाली नव्हती.संघरक्षक मोहिते, प्रतिक मोहिते (दोघे कोळकेवाडी) तशी जखमी झालेल्या दोघांची नावे आहेत. कार चालक सुनील लांजेकर हे पेढांबे-भराडेवाडी येथे आले होते. ते पुन्हा पेढांबेच्या दिशेने जात असताना संघरक्षक मोहिते व प्रतिक मोहिते हे दोघेजण दुचाकीवरून चिपळूणला येत होते. असे असताना कार व दुचाकी पेढांबे-भराडेवाडी येथे आली असता त्या दोघांचाा अपघात झाला. यात दुचाकी कारच्या चालक बाजूस आदळल्यानंतर दुचाकीवरील दोघेजण कारवरून पलिकडे पडून जखमी झाले. यामध्ये एकाच्या डोक्याला, तर दुसर्‍याच्या हाताला गंभीर दुखापत झाली असून त्यापैकी एकाला अधिक उपचारासाठी कराड येथे नेण्यात अले आहे. www.konkantoday.com