खंडाळा-जयगड रस्त्यावरील रिंगीचीवाडी येथे दुचाकी अपघातात तरूण ठार

रत्नागिरी तालुक्यातील खंडाळा-जयगड रस्त्यावरील रिंगीचीवाडी येथे दुचाकीवरील ताबा सुटून झालेल्या अपघातात तरूणाचा मृत्यू झाला. ही घटना शुक्रवारी रात्री १०.१५ वा. च्या सुमारास घडली. विकास शंकर गुरव (३७, रा. सांडेलावगण वरचीवाडी, ता. रत्नागिरी) असे मृताचे नाव आहे. या घटनेची नोंद जयगड पोलिसांत करण्यात आली आहे.पोलिसांनी दिलेल्या माहितीनुसार विकास गुरव हा १० मे रोजी दुचाकी (एमएच ०२ एडी ५२६२) चालवत खंडाळा ते जयगड रस्त्याने जात होता. रात्री १०.१५ च्या सुमारास तो रिंगीचीवाडी येथे आला असता त्याचा दुचाकीवरील ताबा सुटून तो रस्त्याच्या डाव्या बाजूला असलेल्या कातळावर जावून धडकला. या अपघातात विकास याच्या डोक्याला गंभीर दुखापत झाल्याने त्याचा मृत्यू झाला, अशी नोंद जयगड पोलिसांत करण्यात आली आहे.www.konkantoday.com