सीएनजी पंपाची गर्दी टाळण्यासाठी पर्यटकांनी नवगती ऍपचा वापर करावा

रत्नागिरी शहरातील जे. के. फाईल्स परिसरातील सीएनजी पंपावरील गर्दी टाळण्यासाठी पर्यटकांनी नवगती ऍपवर आपल्या जवळचा सीएनजी पंप वाहनधारकांनी जाणून घेणे गरजेचे आहे. त्यामुळे शहरानजिकच्या पंपावर गर्दी विभागली जावून गैरसोय टाळता येईल, असे गॅस सेवा देणार्‍या विभागाकडून सांगण्यात आले. सीएनजीचा तुटवडा लवकरच संपेल, असेही कंपनीकडून सांगण्यात आले.गेले काही दिवस शहरातील जे. के. फाईल्स परिसरातील सीएनजी पंपावर होणारी गर्दी हा चर्चेचा विषय बनत आहे. शहरातील रिक्षा व्यावसायिक व सर्वसामान्य वाहनधारकांची गर्दी झाल्याने या पंपावर मोठ्या प्रमाणात गैरसोय होत आहे. अशातच रिक्षा व्यावसायिक व वाहनधारकांमध्ये वादाचे वातावरण निर्माण झाले होते. या परिस्थितीवर तोडगा काढण्यासाठी जिल्हा पुरवठा विभाग व सीएनजी पंप व्यवस्थापक यांच्यात बैठक घेण्यात आली. येत्या आठवडाभरात ही परिस्थिती आटोक्यात येईल, असे पंप व्यवस्थापकांकडून यावेळी सांगण्यात आले.www.konkantoday.com