खेड तालुक्यातील खोपीच्या माहेरवाशिणी 11 रोजी येणार एकत्र श्री राम मित्र मंडळातर्फे आयोजन, गप्प टप्प्यांचा होणार कार्यक्रम

* संगलट (खेड)( प्रतिनिधी )*खेड तालुक्यातील खोपी-शिंदेवाडी येथील श्री राम मित्र मंडळातर्फे ११ मे रोजी सायंकाळी ७ वाजता सांस्कृतिक कार्यक्रमांचे आयोजन करण्यात आले आहे. वाडीतील ठिकठिकाणी वास्तव्यात असलेल्या माहेरवाशिणीना एकत्र आणून जुन्या आठवणींना उजाळा देण्यासाठी या अनोख्या उपक्रमाचे आयोजन करण्याचा निर्णय घेण्यात आला आहे या कार्यक्रमादरम्यान माहेरवाशिणी जुन्या आठवणींना उजाळा देणार आहेत. सायंकाळी ७ वाजता सत्यनारायण महापूजेचे आयोजन करण्यात आले आहे. माहेरवाशिणींच्या गप्पा- टप्पांचा कार्यक्रम झाल्यानंतर महिलांचे सांस्कृतिक कार्यक्रम होतील. यानंतर रात्री ‘टाकलेला डाव फसला अर्थात सेनापतीचा सैतानी डाव’ हे वगनाट्य होईल. कार्यक्रमाच्या यशस्वीतेसाठी मंडळ अध्यक्ष पांडुरंग शिंदे, उपाध्यक्ष रणजित शिंदे यांच्यासहपदाधिकारीप्रयत्नशील आहेत.