कोकण मराठी साहित्य परिषद मराठी साहित्याचा झेंडा मॉरिशसमध्ये फडकवण्यासाठी सज्ज

कोकणात साहित्याचा जागर केल्यानंतर आता कोकण मराठी साहित्य परिषद मराठी साहित्याचा झेंडा मॉरिशसमध्ये फडकवण्यासाठी सज्ज झाली आहे. कोकण मराठी साहित्य परिषद 2 ते 4 डिसेंबर दरम्यान मॉरिशस येथे संमेलन घेणार आहे.या संमेलनात मराठी साहित्यातील अनेक नामवंत साहित्यिक सहभागी होणार आहेत. संमेलनात विविध विषयांवरील परिसंवाद, चर्चासत्र, कविता वाचन आदी कार्यक्रम सादर होणार आहेत.

गेल्या तीस वर्षांहून अधिक काळ कोकणात साहित्यिक चळवळ राबवणाऱ्या कोकण मराठी साहित्य परिषदेने कोकणात अनेक उपक्रम राबवले. साहित्य संमेलने घेतली. रत्नागिरी, सिंधुदुर्ग, रायगड, नवी मुंबई, मुंबई, पालघर आणि ठाणे या परिसरात कोकण मराठी साहित्य परिषदेच्या शाखा कार्यरत आहेत. कोकण मराठी साहित्य परिषद मध्यवर्ती साहित्य संमेलन आयोजित करते. त्याचबरोबर जिल्हा साहित्य संमेलनेही आयोजित केली जातात. कोमसापच्या वतीने दरवर्षी साहित्य पुरस्कार देण्यात येतात. कोकणातील साहित्यिकांना व्यासपीठ मिळवून देण्याचे काम कोकण मराठी साहित्य परिषद करत आहे.
Konkantoday.com