महाविकास आघाडीचे उमेदवार विनायक राऊत यांचा या वेळचा विजय हा अभूतपूर्व मताधिक्याचा असेल-लोकसभा संपर्कप्रमुख राजेंद्र महाडिक

महाविकास आघाडीचे उमेदवार विनायक राऊत यांचा या वेळचा विजय हा अभूतपूर्व मताधिक्याचा असेल.मतदार संघातील वातावरण आणि मतदारांचा मिळणारा उत्स्फूर्त पाठिंबा पाहता रेकॉर्डब्रेक मताधिक्याकडे विनायक राऊत यांची वाटचाल सुरू आहे, असा आत्मविश्वास लोकसभा संपर्कप्रमुख राजेंद्र महाडिक यांनी व्यक्त केला. चिपळूण मतदार संघात महाविकास आघाडीचा जोरदार प्रचार सुरू आहे. खळाबैठका, गटनिहाय बैठका, प्रचारसभांद्वारे मतदारांशी संवाद साधला जात आहे. महाविकास आघाडीचे उमेदवार म्हणून विनायक राऊत यांनी जेव्हा उमेदवारी अर्ज दाखल केला त्याचवेळी त्यांच्या विजयावर शिक्कामोर्तब झाले होते. कारण, सुरवातीपासूनच महाविकास आघाडीने भक्कम एकजूट दाखवली आणि प्रचारात स्वतःला झोकून दिले तसेच विनायक राऊत यांचा मतदार संघातील थेट संपर्क, प्रत्येक जिल्हा परिषद गटात त्यांनी केलेली कामे आणि स्वच्छ प्रतिमा यामुळे मतदारांचा उत्स्फूर्त पाठिंबा त्यांना मिळत होता. आता प्रचाराच्या अंतिम टप्प्यात तर मतदारांचा पाठिंबा प्रचंड वाढत आहे. त्यामुळे मताधिक्याचा फरक हा फार मोठा रेकॉर्डब्रेक करणारा असेल, असा विश्वास राजेंद्र महाडिक यांनी व्यक्त केला.www.konkantoday.com