महायुतीच्या सभेत आ. भास्कर जाधवांवर टीपणी न झाल्याने मतदारांच्यात आश्‍चर्य
लोकसभेची निवडणूक जाहीर झाल्यानंतर गुहागर मतदार संघात महायुतीच्या दोन-तीन सभा पार पडल्या. या सभेत महायुतीच्याा नेत्यांना शिंगावर घेणारे या मतदार संघाचे आ. भास्कराव जाधव यांच्यावर जोरदार टीका करण्यात आली. मात्र रविवारी हेदवी व गुहागरात महायुतीचे उमेदवार सुनिल तटकरे यांच्या प्रचाराची सभा पार पडली. या सभेत रामदासभाई आ. भास्कर जाधव यांचा समाचार घेतील, याची उत्सुकता सर्वांनाच होती. मात्र सर्वांचीच घोर निराशा झाली. कारण या सभेत ना शिवसेना नेते रामदासभाई कदम, ना. भाजपचे माजी आमदार डॉ. विनय नातू यांनी आ. जाधव यांच्या विरोधात एकही टीका टीपणी केली नाही. यामुळे कार्यकर्ते व पत्रकारांना आश्‍चर्याचा धक्का बसला. आा. जाधव यांच्यावर टीका न करण्यामागे गुपित काही दडले आहे का, अशी चर्चा सर्वत्र सुरू झाली आहे. www.konkantoday.com
