आंतरराष्ट्रीय कॅरमपटू आकांक्षा कदम हिने मालदीव देशात झालेल्या ६ व्या एशियन कँरम चँम्पीयन स्पर्धेत दोन सुवर्णपदके पटकावली.

आंतरराष्ट्रीय कॅरमपटू आकांक्षा कदम हिने मालदीव देशात झालेल्या ६ व्या एशियन कँरम चँम्पीयन २०२४ या आंतरराष्ट्रीय कँरम स्पर्धेत दोन सुवर्ण व एक ब्रांझ पदक अशा तीन पदकांची कमाई केली.या स्पर्धेचे यजमानपद हे मालदीव देशाला मिळाले होते. या स्पर्धेत भारतीय संघही सहभागी झाला होता. महिलांच्या चार जणींच्या चमूत देवडे गावची सुकन्या व आंतरराष्ट्रीय कँरमपटू आकांक्षा उदय कदम हिची संघात निवड झाली होती. विशेष म्हणजे या संघात महाराष्ट्रातून फक्त आकांक्षा ही एकमेव व वयाने सर्वात लहान असलेली खेळाडू सहभागी होती.आकांक्षाने खेळाचे उत्कृष्ट प्रदर्शन करत दोन सुवर्ण व एक ब्रांझ पदक अशी तीन पदकांची कमाई केली. आकांक्षा ही अगदी कमी वयात संपूर्ण देशभरात नावाजलेली खेळाडू असून आकांक्षाने यापूर्वीही उंच उंच शिखरे चढून यश प्राप्त केले आहे.www.konkantoday.com