श्री चैतन्य ज्योतिष अभ्यास मंडळ, रत्नागिरी संस्थेतर्फे ज्योतिष संमेलनात पुरस्कार वितरण सोहळा

श्री चैतन्य ज्योतिष अभ्यास मंडळ, रत्नागिरी या आयएसओ मानांकित संस्थेतर्फे १५ वे एकदिवसीय ज्योतिष संमेलनात पुरस्कार वितरण सोहळा व संस्थेच्या विद्यार्थ्यांचा पदवीदान समारंभ ५ मे २०२४ ला सकाळी दहा ते सायंकाळी सहा वेळात लांजा तालुक्यातील गोरखनाथ मंगल कार्यालय, मठ येथे आयोजित करण्यात आले आहे.या कार्यक्रमात दाते पंचागकर्ते मोहन दाते यांना ‘पद्माश्री’, पितांबरी उद्योग समूहाचे अध्यक्ष रवींद्र प्रभुदेसाई यांना ‘कार्यगौरव’, ओंकार कुलकर्णी, श्रीरामपूर यांना ‘युवा ज्योतिषी’, विवा साठे यांना ‘नावीन्यपूर्ण लेखन’, तर सकाळ माध्यम समूह (रत्नागिरी आवृत्ती) यांना ‘चैतन्य माध्यम’ पुरस्काराने सन्मानित करण्यात येणार आहे. संस्थेच्या मागील वर्षी संपन्न झालेल्या कुंडली विशारद, कुंडली भूषण, कुंडली भास्कर, वास्तुशास्त्र विशारद, मुखचर्याशास्त्र (प्रवीण, प्राज्ञ, विशारद), ज्योतिर्विद्या वाचस्पती या अभ्यासक्रमात यश मिळविणाऱ्या विद्यार्थ्यांचे पदवीदान व कौतुक सोहळा होणार आहे. तसेच राधेश बादले पाटील, शैलेश देशपांडे यांसारख्या मान्यवरांची विविध उपयुक्त विषयांवरील व्याख्याने होणार आहेत. या कार्यक्रमासाठी प्रमुख अतिथी म्हणून उद्योजक रवींद्र (अण्णा) सामंत, डॉ. रवींद्र खाडिलकर, गुरुश्री प्रिया मालवणकर आदी मान्यवर उपस्थित राहणार आहेत.www.konkantoday.com