स्टार हेल्थच्या ग्राहकांवर मोठा परिणाम, 22 सप्टेंबरपासून कॅशलेस सुविधा बंद होणार?एएचपीआयनेकठोर अल्टिमेटम दिला
लाखो रुग्णांना आरोग्य विमा सुविधा देणारी आघाडीची विमा कंपनी स्टार हेल्थ सध्या मोठ्या अडचणीत सापडली आहे. असोसिएशन ऑफ हेल्थकेअर प्रोव्हायडर्स-इंडिया (एएचपीआय) या देशभरातील 15,000 हून अधिक रुग्णालयांचे प्रतिनिधित्व करणाऱ्या संघटनेने स्टार हेल्थला कठोर अल्टिमेटम दिला आहे.संघटनेचे म्हणणे आहे की जर कंपनीने आपल्या धोरणांमध्ये आवश्यक बदल केले नाहीत, तर 22 सप्टेंबर 2025 पासून स्टार हेल्थच्या ग्राहकांना कॅशलेस उपचार सुविधा बंद केली जाईल. या निर्णयाचा थेट परिणाम लाखो रुग्णांवर होऊ शकतो, जे उपचारासाठी स्टार हेल्थच्या कॅशलेस सुविधेवर अवलंबून असतात.एएचपीआयने स्टार हेल्थवर अनेक गंभीर आरोप केले आहेत. संघटनेचे म्हणणे आहे की गेल्या काही वर्षांत आरोग्यसेवा खर्च प्रचंड वाढला आहे. औषधे, उपकरणे, डॉक्टरांचे मानधन, उपचार पद्धती यांचा खर्च वाढत असतानाही स्टार हेल्थने रुग्णालयांना मिळणाऱ्या पेमेंट रेट्समध्ये कोणताही बदल केलेला नाही.
रुग्णालयांना जुन्या दरानेच उपचार द्यायला भाग पाडले जाते, ज्यामुळे त्यांचा आर्थिक तोल बिघडतो. इतकेच नव्हे, तर कंपनी क्लेम प्रक्रियेत रुग्ण आणि डॉक्टरांना अशा प्रश्नांची उत्तरे विचारते, ज्यामुळे त्यांच्या क्लिनिकल निर्णयावर परिणाम होतो. हे रुग्णांच्या हिताविरुद्ध असल्याचा आरोप एएचपीआयने केला आहे.एएचपीआयचे महासंचालक डॉ. गिरधर ग्यानी यांनी सांगितले की, “आमची पहिली जबाबदारी रुग्णांचे आणि आरोग्यसेवा पुरवठादारांचे हित जपणे आहे. स्टार हेल्थच्या अन्यायकारक आणि मनमानी धोरणांमुळे रुग्णालयांचे आर्थिक नुकसान होत आहे आणि रुग्णांच्या सुरक्षिततेवर परिणाम होतो. म्हणूनच आम्हाला हे कठोर पाऊल उचलावे लागत आहे.”जर कॅशलेस सुविधा खरोखरच बंद झाली, तर रुग्णांना प्रथम रुग्णालयात स्वतःच्या खिशातून बिलाची पूर्ण रक्कम भरावी लागेल आणि नंतर विमा कंपनीकडे दावा दाखल करून परतफेड घ्यावी लागेल.
ही परिस्थिती विशेषतः आपत्कालीन रुग्णांसाठी अत्यंत कठीण ठरू शकते
