डोळे तपासण्यासाठी जिल्हा रुग्णालयात पत्नीसोबत आलेल्या पतीचा मृत्यू

रत्नागिरी :  जिल्हा शासकीय रुग्णालयात शिबिरासाठी पत्नीला घेऊन आलेल्या वृध्दाचा रुग्णालयाच्या परिसरात मृत्यू झाला. याबाबत शहर पोलिस ठाण्यात नोंद करण्यात आली आहे. जनार्दन हरी हुंदळेकर (वय 68, रा.कारवली, राजापूर) असे मृत्यू झालेल्या वृध्दाचे नाव आहे. याबाबत त्यांचा पुतण्या रमेश शांताराम हुंदळेकर (वय 40, रा.कारवली, राजापूर) यांनी खबर दिली आहे.त्यानुसार, जनार्दन हुंदळेकर हे सोमवार दि. 30 मे रोजी दुपारी 1 वा. जिल्हा शासकीय रुग्णालयातील डोळ्यांच्या ऑपरेशन शिबिरात पत्नीचे डोळे तपासण्यासाठी पुतण्या रमेश याच्यासोबत आले होते. तपासणी झाल्यानंतर रुग्णालयातील अपघात विभागासमोरील मोेकळ्या जागेत हे तिघेही जेवायला बसले असताना जनार्दन यांच्या छातीत दुखू लागले. त्यांच्या पत्नी आणि पुतण्याने त्यांना अपघात विभागात दाखल केले. उपचारादरम्यान त्यांचा सायंकाळी 6 वा. मृत्यू झाला.