![](https://konkantoday.com/wp-content/uploads/2024/04/shree-digital-phpoto-size.jpg)
अंगणवाड्यांना रविवारी तसेच अन्य शासकीय सुट्ट्या असताना पुरवठा करण्याचे ठेकेदाराचे प्रकार उघडकीस
शासकीय सुट्ट्यांच्या दिवशी पोषण आहाराचा पुरवठा करू नये, अशा अधिकार्यांच्या सूचना असतानाही ठेकेदार मनमानी करीत आहे. अंगणवाड्यांना रविवारी तसेच अन्य शासकीय सुट्ट्या असताना पुरवठा करण्याचे प्रकार येथे सुरू आहेत. त्यातच सध्या दिल्या जाणार्या वस्तू पालकांना अमान्य असून या पोषण आहाराच्या दर्जाबाबतही शंका उपस्थित होत आहे.अंगणवाड्यांमध्ये येणार्या बालकांसह गरोदर व स्तनदा माता यांना शासन वेळोवेळी पोषण आहाराचा पुरवठा करते. मात्र अनेकदा हा पोषणऐवजी अपोषण आहार असल्याचे उघड झाले आहे. त्यात मिळणार्या वस्तूंना दर्जाच नसल्याचे दिसते. काही महिने मागे जाता पुरवलेली साखर अक्षरशः माती होती. हा प्रकार पालकांनी अंगणवाडीसेविका, सेविकांनी त्यांच्या अधिकार्यांच्या लक्षात आणून दिल्यानंतर ठेकेदाराने चांगली साखर पुरवली होती. त्यावेळी पोषण आहारात तांदूळ, गहू व कडधान्यांचा समावेश होता. मात्र सध्या अंगणवाड्यांमधून वाटल्या जाणार्या पोषण आहारात मूगडाळ, तुरडाळीची तयार खिचडी व मल्टीविटामिनच्या पावडरचा समावेश आहे. खिचडी गरम पाण्यात टाकून मॅगीसारखी बनवून खायची आहे. मात्र तिच्या दर्जाबाबत शंका उपस्थित होत असून पालक ही खिचडी आम्हाला देवूच नका, यापुढे असा पोषण आहार न्यायला आम्ही येणारच नाही, असे अंगणवाडी कर्मचार्यांना सांगत आहेत.www.konkantoday.com