रत्नागिरी शहरातील तारादर्शन अपार्टमेंट येथून पार्किंगमधील स्प्लेंडर दुचाकी अज्ञाताने चोरून नेली

रत्नागिरी शहरातील रहाटाघर बसस्थानक परिसरात असलेल्या तारादर्शन अपार्टमेंट येथून पार्किंगमधील स्प्लेंडर दुचाकी अज्ञाताने चोरून नेल्याची घटना घडली आहे. या प्रकरणी येथील शहर पोलिसांत तक्रार देण्यात आली आहे. अभिजित अशोक खवणेकर, रा. सोहम अपार्टमेंट, शिवाजीनगर, मूळ रा. कोल्हापूर यांनी तक्रार पोलिसांकडे दिली आहे. २६ मार्च २०२४ ते ५ एप्रिल २०२४ या दरम्यानच्या कालावधीत दुचाकी एमएच ०९, एवाय १७३७ क्रमांकाची काळ्या रंगाची स्प्लेंडर कुणीतरी अज्ञाताने चोरून नेली असल्याचे म्हटले आहे. या प्रकरणी पोलीस अधिक तपास करीत आहेत. www.konkantoday.com