आज महाविकास आघाडीची संयुक्त पत्रकार परिषद , जागावाटपाचा अंतिम फॉर्म्युला जाहीर केला जाणार

लोकसभा निवडणुकांचं बिगुल वाजलं, आचारसंहिताही लागली आता काहीच दिवसांत देशात लोकसभा निवडणुकांचा पहिला टप्पा पार पडणार आहे.
पण इतके राज्यातील महाविकास आघाडी आणि महायुतीचं जागावाटपाचं भिजत घोंगडं काही सुटण्याचं नाव घेत नाही. अशातच आज महाविकास आघाडीची संयुक्त पत्रकार परिषद असून जागावाटपाचा अंतिम फॉर्म्युला जाहीर केला जाणार आहे. शरद पवार, नाना पटोले आणि उद्धव ठाकरे पत्रकार परिषदेला संबोधित करणार आहेत.

महाविकास आघाडीची आज सकाळी 11 वाजता संयुक्त पत्रकार परिषद होणार आहे. मुंबईच्या मंत्रालय परिसरातील ठाकरे गटाच्या पक्ष कार्यालयात ही संयुक्त पत्रकार परिषद होणार आहे. या पत्रकार परिषदेला शरद पवार, उद्धव ठाकरे आणि नाना पटोले संबोधित करणार आहेत. यात महाविकास आघाडीचा जागावाटपाचा अंतिम फार्मुला जाहीर केला जाणार आहे. सांगली, भिवंडी, मुंबईतील जागांसह उर्वरित जागांवर कोणता घटक पक्ष निवडणुकीत आपला उमेदवार उतरवेल याचीही माहिती या संयुक्त पत्रकार परिषदेत दिली जाणार आहे.
www.konkantoday.com